ပယီၤသုးရၤလီၤတၢ်ကစီၣ်လၢ ကမျၢၢ်ဒီသဒၢသုးတဖၣ်ခးဝဲမၠၣ်ဝတံၣ်-ကီးတရံး အ့ရှါကျဲ တီနီၢ်ထံလီၤဆှူအဃၢၢ် ကျဲ၊တိၤ တၢ်သူၣ်ထီၣ်လီၢ်
လါအီကူး ၁၈သီ၊၂၀၂၃နံၣ် ပယီသုးရၤလီၤတၢ်ကစီၣ်ကမၤလၢ ကညီကီၢ်စဲၣ် မၠၣ်ဝတံၣ်-ကီးတရံးအ့ရှါကျဲမုၢ် တီနီၢ်ထံလီၤဆှူအဃၢၢ် တၢ်သူၣ်ထီၣ်ကျဲ၊တိၤလီၢ် ကမျၢၢ်ဒီသဒၢသုးတဖၣ်နုာ်လီၤခးဝဲန့ၣ်လီၤ မၠၣ်ဝတံၣ်-ကီးတရံးအ့ရှါကျဲ တီနီၢ်ထံလီၤဆှူအဃၢၢ် တၢ်စူၤတပယူာ်ဃီအဃိဖဲအပူၤကွံာ်လါအီကူး ၇သီအနံၤဟီၣ်ခိၣ်လာ်ကဲထီၣ်န့ၣ်လီၤ တကီၢ်ခါခဲအံၤ ဖဲတီနီၢ်ထံလီၤဆှူ တချူးလၢဘှီဂ့ၤထီၣ်က့ၤကျဲဟးဂီၤဒ်သိးပှၤဟးထီၣ်က့ၤလီၤကန့ၣ်အဂီၤ ဖဲမၤဝဲတိၤ(ယာယီ)အလီၢ်ဟီၣ်ကဝီၤဒီသဒၢသုးတဖၣ်မၤတရီတပါဒီးခးဝဲန့ၣ် ပယီၤသုးရၤလီၤတၢ်ကစီၣ်ဒ်န့ၣ်လီၤဘၣ်ဃးဒီးတၢ်ကစီၣ်အံၤ နဂဖၠူၣ် သုးကျိၤပှၤဘၣ်မူဘၣ်ဒါစံးဝဲလၢ ကမျၢၢ်ဒီသဒၢသုးတဖၣ်လဲၤမၤတရီတပါဝဲတၢ်လီၢ်တအိၣ်ဘၣ်န့ၣ်လီၤ…