ဒ်သိးကထီၣ်ဟံန့ၣ်ကဒါက့ၤ လဲးခဲးတီၣ်သုးကလၢၤအဂီၤပယီၤသုး ပာ်ဖှိၣ်မၤအါထီၣ်သုးဂံၢ်ဘါ
လါအီကူး ၂၂သီ၊၂၀၂၃နံၣ် ဒ်သိးကထီၣ်ဟံန့ၣ်က့ၤ ကညီကီၢ်စဲၣ် မၠၣ်ဝတံၣ်ဝ့ၢ်အဃၢၢ် လဲးခဲးတီၣ်သုးကလၢၤအဂီၤပယီၤသုးမၤအါထီၣ်သုးဂံၢ်ဘါန့ၣ်မၠၣ်ဝတံၣ်ဝ့ၢ်လီၢ်ကဝီၤဖိစံးဝဲလီၤ မၠၣ်ဝတံၣ်ဝ့ၢ်အဃၢၢ် လဲးခဲးတီၣ်ဖီခိၣ် ပယီၤသုးစုဖီလာ်BGFသုးကလၢၤအံၤ KNLAသုးပၣ်ဖှိၣ်တဖၣ်ဘတဒုးန့ၣ်ဝဲအိၣ်တလါဘျဲၣ်လံဒီး ပယီၤသုးတကပၤဒ်သိးကဟံန့ၣ်က့ၤသုးကလၢၤအံၤအဂီၤ အဝဲသ့ၣ်သုးကျိၤဟဲထီၣ်အိၣ်လံ အဝီ၁၀လံန့ၣ်လီၤ မၠၣ်ဝတံၣ်ဝ့ၢ်အဃၢၢ် လဲးခဲးတီၣ်ဖီခိၣ်တၢ်ဒုးတကဲထီၣ် အိၣ်၅သီလံဒီးပယီၤသုးတဖၣ်အံၤဆှၢအပှၤသုးဖိဒီးသုးသိလ့ၣ်အခိၣ်၁၀ဆူ လဲးခဲးတီၣ်ဒီးကၠီးလိကၠံတကပၤန့ၣ်မၠၣ်ဝတံၣ်ဝ့ၢ်လီၢ်ကဝီၤဖိစံးဝဲန့ၣ်လီၤ “တၢ်ဒုးဂၢၤအိၣ်၄သီ၅သီလံ သုးသိလ့ၣ်မ့လဲၤတဘျီန့ၣ်အခိၣ်တဆံဆူကၠီးလိကၠံဒီးလဲးခဲးတီၣ်တကပၤ လၢသိလ့ၣ်ပူၤပှၤကညီအိၣ်အဂၤ၁၀ဘျဲၣ်…