Photos
ဒ်သိးကအိးထီၣ်က့ၤဝဲအ့ရှါကျဲအဂီၤပယီၤသုးသူဝဲထံရူၤကီၢ်သဲးသုးအတၢ်ဆီၢ်တံၥ်တဖၣ်ဒီးအိးထီၣ်က့ၤကျဲနၥ်က့တၢ်ဘံၣ်တၢ်ဘၢအဂီၤတၢ်ဘၣ်ယိၤအိၣ်
လါအ့ဖြ့ၣ် ၄သီ၊၂၀၂၆နံၣ်
ကညီကီၢ်စဲၣ်ပယီၤသုးမီၤစိရိၤတဖၣ် မၢဆူၢ်ဝဲလီၢ်ကဝီၤပူၤကညီဖှီၣ်စုကဝဲၤတဖၣ်၊သီခါလၢအိၣ်ဃူပယီၤသုးတဖၣ်တကးဒံးဘၣ်ပှၤမၤမုၢ်ကျိၤဝဲၤကွၢ်ဒီးပှၤနီသိလ့ၣ်တဖၣ်လၢသုးအတၢ်အိၣ်သး၊ထံရူၤကီၢ်သဲးတဖၣ်ဒီးတဲပျံၤတဲဖုးဝဲဝံၤ ပၥ်လီၤဃးဝဲကျဲဘံၣ်ဘၢအဂီၤသုးဂံၢ်ဘါ ၁၀၀၀ဘျဲၣ်ဒီးက့ၤအိးထီၣ်က့ၤကျဲဖဲလါအ့ဖြ့ၣ် ၂သီဝံၤပျဲလဲၤဝဲသိလ့ၣ်တဖၣ်န့ၣ်လီၤ။
ပယီၤသုးသူဝဲဂံၢ်ဘါဒီးဒုးနဲၣ်ဝဲလၢကျဲအိးထီၣ်ဝံၤဟးထီၣ်က့ၤလီၤန့ၣ်လံနၥ်က့ လၢခံအသီတဖၣ်အပူၤကျဲတၢ်ဘံၣ်တၢ်ဘၢအဂီၤတၢ်ဘၣ်ယိၤအိၣ်ထီၣ်သ့န့ၣ်ပှၤနီသိလ့ၣ်ဖိလၢရၤမတံတဖၣ်စံးဝဲလီၤ။
“ဖဲမဟါကညီဖှီၣ်စုကဝဲၤဒီးသီခါတဖၣ်တဲလိၥ်သးဝံၤအိးထီၣ်ကျဲလီၤ မၢပံးဝဲကစၢၢ်ကျဲလၢကရူၤကရၢတဖၣ်အိၣ်တခီ တဲပျံၤတဲဖုးဝဲလၢမ့တပံးဝဲမ့လဲၤန့ၣ်ကမၢကဘီယူၤကဟဲခးလီၤ သိလ့ၣ်ဖးဒိၣ်မ့လဲၤဖဲန့ၣ်တကပၤသိလ့ၣ်ဖဲန့ၣ်သိလ့ၣ်ပူၤတၢ်ဖိတၢ်လံၤဖဲန့ၣ်ကဟံဝဲခဲလၢၥ်လီၤ သိလ့ၣ်ဖိတဖၣ်နၥ်က့ အ့ရှါကျဲက့ၤလီၤဆူကမးမီကျဲတကပၤနုၥ်လီၤလၢဂၠဲဖၣ်အၣ်ဒီးမီၣ်လမၠဲၣ်န့ၣ်ကဖှီၣ်ဝဲ”စံးဝဲလီၤ။
တကးဒံးဘၣ် ဖဲတၢ်အိးထီၣ်ကျဲမုၢ်နံၤ ပၥ်လီၤတြဲၤလၢဝ့ၢ်နုၥ်လီၤဟးထီၣ်အလီၢ်ဒီးဟံန့ၣ်ဘံၣ်ဘၢနၥ်က့ လၢခံနံၤသီတဖၣ်ပူၤ ဖှီၣ်သိလ့ၣ်၊ဖှီၣ်တၢ်ဖိတၢ်လံၤ၊ထၢတြဲၤပှ့ၤတဲပျံၤတဲဖုးဒီးဃ့စ့တကးဒံးဘၣ် KNLAသုးပၥ်ဖှိၣ်တဖၣ်လဲၤခးဝဲပယီၤသုးတြဲၤတၢ်အိၣ်သးအိၣ်ထီၣ်သ့န့ၣ် ပှၤနီသိလ့ၣ်တဖၣ်ပျံၤဝဲလီၤ။
“အဝဲသ့ၣ်ဟ့ၣ်ဃးဝဲအ့ရှါကျဲနုၥ်လီၤဟးထီၣ် ဂၠဲတိၤတထၢတိၤပၢ့ၤသၢသီ လၢခံအသီတဖၣ်မ့ကပၥ်လီၤဝၣ်တဘိကဃ့စ့ဧါ ကဖှီၣ်ပှၤကညီကဖှီၣ်သိလ့ၣ်ဧါကဃ့ဆူၢ်စ့ဧါ တသ့ၣ်ညါဒံးဘၣ် သိလ့ၣ်ဟဲလီၤခါကညီဖှီၣ်စုကဝဲၤဟဲခးလီၤပဘၣ်ယိၤလၢပှၤကဒွဲၣ်အူအီၣ်သိသိလ့ၣ်တဖၣ်လီၤ”န့ၣ်စံးဝဲလီၤ။
တၢ်အိၣ်သးအံၤတကးဒံးဘၣ်တကီၢ်ခါခဲအံၤကညီဖှီၣ်စုကဝဲၤအတၢ်ပၢကျဲတဖၣ်ပယီၤသုးမ့တပျဲသိလ့ၣ်ဟးထီၣ်က့ၤလီၤတၢ်တဘၣ်လိၥ်ဖိးဒ့ကကဲထီၣ်တၢ်အိၣ်သးအိၣ်န့ၣ် ရၤမတံပှၤမၤမုၢ်ကျိၤဝဲၤကွၢ်တဂၤစံးဝဲလီၤ။
“BGF ၁၀၁၈ကျဲ ထိၣ်ကီးကိ PCကျဲ ကၠဲးအုးတီၤကျဲတကပၤယိၤတၢ်ဖိတၢ်လံၤက့ၤလီၤပှၤဆှၢထီၣ်ဆူကီၢ်ချၢဘူခ့၊မိၢ်ဂံၢ်သၣ်၊ပသဲသိလ့ၣ်တဖၣ်ကမၢလဲၤဝဲလၢအ့ရှါကျဲ ကထၢတြဲၤပှ့ၤ မ့လဲၤဒီးလံၥ်လဲၤတဖၣ်န့ၣ်ပယီၤသုးကဖှီၣ်ဘီဖဲန့ၣ်တၢ်တဲအါလိၥ်သးဒီးကညီဖှီၣ်စုကဝဲၤနၥ်က့အိၣ်ထီၣ်သ့”စံးဝဲလီၤ။
တကီၢ်ခါခဲအံၤကညီကီၢ်စဲၣ်ပူၤ ကီၢ်ဆၢမုၢ်ကျိၤဝဲးကွၢ်အါတက့ၢ် ပယီၤသုးပှၤမၤတၢ်ဖိတဖၣ်အီၣ်လးဝံၤမၤမုၢ်ကျိၤဝဲကွၢ်ဒီးကညီဖှီၣ်စုကဝဲၤအမံၤအသိး က့ၤဆီတလဲဝဲလၢမုၢ်ကျိၤဝဲကွၢ်လၢအကျိၤအကျဲဘၣ်တန့ၣ်ဒံးန့ၣ်ရၤမတံပှၤမၤတၢ်ဖိတဂၤစံးဝဲလီၤ။
ဒ်သိးကအိးထီၣ်က့ၤဝဲအ့ရှါကျဲအဂီၤပယီၤသုးသူဝဲထံရူၤကီၢ်သဲးသုးအတၢ်ဆီၢ်တံၥ်တဖၣ်ဒီးအိးထီၣ်က့ၤကျဲနၥ်က့တၢ်ဘံၣ်တၢ်ဘၢအဂီၤတၢ်ဘၣ်ယိၤအိၣ်
လါအ့ဖြ့ၣ် ၄သီ၊၂၀၂၆နံၣ်
ကညီကီၢ်စဲၣ်ပယီၤသုးမီၤစိရိၤတဖၣ် မၢဆူၢ်ဝဲလီၢ်ကဝီၤပူၤကညီဖှီၣ်စုကဝဲၤတဖၣ်၊သီခါလၢအိၣ်ဃူပယီၤသုးတဖၣ်တကးဒံးဘၣ်ပှၤမၤမုၢ်ကျိၤဝဲၤကွၢ်ဒီးပှၤနီသိလ့ၣ်တဖၣ်လၢသုးအတၢ်အိၣ်သး၊ထံရူၤကီၢ်သဲးတဖၣ်ဒီးတဲပျံၤတဲဖုးဝဲဝံၤ ပၥ်လီၤဃးဝဲကျဲဘံၣ်ဘၢအဂီၤသုးဂံၢ်ဘါ ၁၀၀၀ဘျဲၣ်ဒီးက့ၤအိးထီၣ်က့ၤကျဲဖဲလါအ့ဖြ့ၣ် ၂သီဝံၤပျဲလဲၤဝဲသိလ့ၣ်တဖၣ်န့ၣ်လီၤ။
ပယီၤသုးသူဝဲဂံၢ်ဘါဒီးဒုးနဲၣ်ဝဲလၢကျဲအိးထီၣ်ဝံၤဟးထီၣ်က့ၤလီၤန့ၣ်လံနၥ်က့ လၢခံအသီတဖၣ်အပူၤကျဲတၢ်ဘံၣ်တၢ်ဘၢအဂီၤတၢ်ဘၣ်ယိၤအိၣ်ထီၣ်သ့န့ၣ်ပှၤနီသိလ့ၣ်ဖိလၢရၤမတံတဖၣ်စံးဝဲလီၤ။
“ဖဲမဟါကညီဖှီၣ်စုကဝဲၤဒီးသီခါတဖၣ်တဲလိၥ်သးဝံၤအိးထီၣ်ကျဲလီၤ မၢပံးဝဲကစၢၢ်ကျဲလၢကရူၤကရၢတဖၣ်အိၣ်တခီ တဲပျံၤတဲဖုးဝဲလၢမ့တပံးဝဲမ့လဲၤန့ၣ်ကမၢကဘီယူၤကဟဲခးလီၤ သိလ့ၣ်ဖးဒိၣ်မ့လဲၤဖဲန့ၣ်တကပၤသိလ့ၣ်ဖဲန့ၣ်သိလ့ၣ်ပူၤတၢ်ဖိတၢ်လံၤဖဲန့ၣ်ကဟံဝဲခဲလၢၥ်လီၤ သိလ့ၣ်ဖိတဖၣ်နၥ်က့ အ့ရှါကျဲက့ၤလီၤဆူကမးမီကျဲတကပၤနုၥ်လီၤလၢဂၠဲဖၣ်အၣ်ဒီးမီၣ်လမၠဲၣ်န့ၣ်ကဖှီၣ်ဝဲ”စံးဝဲလီၤ။
တကးဒံးဘၣ် ဖဲတၢ်အိးထီၣ်ကျဲမုၢ်နံၤ ပၥ်လီၤတြဲၤလၢဝ့ၢ်နုၥ်လီၤဟးထီၣ်အလီၢ်ဒီးဟံန့ၣ်ဘံၣ်ဘၢနၥ်က့ လၢခံနံၤသီတဖၣ်ပူၤ ဖှီၣ်သိလ့ၣ်၊ဖှီၣ်တၢ်ဖိတၢ်လံၤ၊ထၢတြဲၤပှ့ၤတဲပျံၤတဲဖုးဒီးဃ့စ့တကးဒံးဘၣ် KNLAသုးပၥ်ဖှိၣ်တဖၣ်လဲၤခးဝဲပယီၤသုးတြဲၤတၢ်အိၣ်သးအိၣ်ထီၣ်သ့န့ၣ် ပှၤနီသိလ့ၣ်တဖၣ်ပျံၤဝဲလီၤ။
“အဝဲသ့ၣ်ဟ့ၣ်ဃးဝဲအ့ရှါကျဲနုၥ်လီၤဟးထီၣ် ဂၠဲတိၤတထၢတိၤပၢ့ၤသၢသီ လၢခံအသီတဖၣ်မ့ကပၥ်လီၤဝၣ်တဘိကဃ့စ့ဧါ ကဖှီၣ်ပှၤကညီကဖှီၣ်သိလ့ၣ်ဧါကဃ့ဆူၢ်စ့ဧါ တသ့ၣ်ညါဒံးဘၣ် သိလ့ၣ်ဟဲလီၤခါကညီဖှီၣ်စုကဝဲၤဟဲခးလီၤပဘၣ်ယိၤလၢပှၤကဒွဲၣ်အူအီၣ်သိသိလ့ၣ်တဖၣ်လီၤ”န့ၣ်စံးဝဲလီၤ။
တၢ်အိၣ်သးအံၤတကးဒံးဘၣ်တကီၢ်ခါခဲအံၤကညီဖှီၣ်စုကဝဲၤအတၢ်ပၢကျဲတဖၣ်ပယီၤသုးမ့တပျဲသိလ့ၣ်ဟးထီၣ်က့ၤလီၤတၢ်တဘၣ်လိၥ်ဖိးဒ့ကကဲထီၣ်တၢ်အိၣ်သးအိၣ်န့ၣ် ရၤမတံပှၤမၤမုၢ်ကျိၤဝဲၤကွၢ်တဂၤစံးဝဲလီၤ။
“BGF ၁၀၁၈ကျဲ ထိၣ်ကီးကိ PCကျဲ ကၠဲးအုးတီၤကျဲတကပၤယိၤတၢ်ဖိတၢ်လံၤက့ၤလီၤပှၤဆှၢထီၣ်ဆူကီၢ်ချၢဘူခ့၊မိၢ်ဂံၢ်သၣ်၊ပသဲသိလ့ၣ်တဖၣ်ကမၢလဲၤဝဲလၢအ့ရှါကျဲ ကထၢတြဲၤပှ့ၤ မ့လဲၤဒီးလံၥ်လဲၤတဖၣ်န့ၣ်ပယီၤသုးကဖှီၣ်ဘီဖဲန့ၣ်တၢ်တဲအါလိၥ်သးဒီးကညီဖှီၣ်စုကဝဲၤနၥ်က့အိၣ်ထီၣ်သ့”စံးဝဲလီၤ။
တကီၢ်ခါခဲအံၤကညီကီၢ်စဲၣ်ပူၤ ကီၢ်ဆၢမုၢ်ကျိၤဝဲးကွၢ်အါတက့ၢ် ပယီၤသုးပှၤမၤတၢ်ဖိတဖၣ်အီၣ်လးဝံၤမၤမုၢ်ကျိၤဝဲကွၢ်ဒီးကညီဖှီၣ်စုကဝဲၤအမံၤအသိး က့ၤဆီတလဲဝဲလၢမုၢ်ကျိၤဝဲကွၢ်လၢအကျိၤအကျဲဘၣ်တန့ၣ်ဒံးန့ၣ်ရၤမတံပှၤမၤတၢ်ဖိတဂၤစံးဝဲလီၤ။
