Photos
KNLA သုးပၥ်ဖှိၣ်တဖၣ်ထီၣ်ဒုးဝဲထံသဲလၢၤပယီၤသုးကလၢၤအဃိဘၣ်တြီဆၢဝဲဒီးကဘီယူၤဒုးသုးတဖၣ်
လါမးရှး ၃၁သီ၊၂၀၂၆နံၣ်
KNLA သုးပၥ်ဖှိၣ်တဖၣ်စးထီၣ်ဖဲလါမးရှး ၃၁သီဂီၤခီ ထီၣ်ဒုးဝဲ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဝီၤလ့ၤဝ့ၢ်သီ ပယီၤသုးဝီၤလ့ၤဒုးယၤတၢ်မဲၥ်ညါသုးကလၢၤထံသဲလၢၤ အဃိဒ်သိးသုးကလၢၤတလီၤအဂီၤ ပယီၤသုးကဘီယူၤတဖၣ်ခးလီၤမ့ၣ်ပိၢ်ဒီးတြီဆၢဒုးဝဲန့ၣ်KNLAသုးပၥ်ဖှိၣ်တကပၤစံးဝဲလီၤ။
ဖဲမဟါဂီၤခီ KNLAသုးပၥ်ဖှိၣ်တဖၣ်ခးလီၤဝဲဒြိမ့ၣ်ပိၢ် ၊ထီၣ်ဒုးဝဲလၢဘူးဘူးတံၢ်တံၢ်ဒီးဂုၤကျဲးစၢးလၢကဒိးန့ၣ်ငုးကလၢၤအဂီၤဒီးပယီၤသုးဘၣ်ဒိသံအါအဃိ ကိးတၢ်မၤစၢၤဆူကဘီယူၤ Y12/Y8 တ့ၢ်လီၤမ့ၣ်ပိၢ်တကးဒံးဘၣ် ဂၠဲးကဘီယူၤဟဲခးစၢၤလီၤမ့ၣ်ပိၢ်န့ၣ်KNLA သုးဂံၢ်ခီၣ်ထံးစံးဝဲ PMRလီၤ။
“ကျိဖးဒိၣ်ကျိဖိဒြိတဖၣ်ဒ်သိးကမၤန့ၣ်သုးကလၢၤအဂီၤ KNLAတီခိၣ်ရိၤမဲဒီးခးဝဲလီၤ ပယီၤသုးဘၣ်ဒိသံအိၣ်အဃိဃ့ၢ်ထီၣ်ဆူသုးကလၢၤဖီခိၣ်အိၣ် ဖဲဂီၤခီနၣ်ရံၣ် ၁၀ ဝီၤလ့ၤဒုးယၤခးလီၤ ၁၂၀ မမ၄ဖျၢၣ်လီၤ ဆူဝီၤလ့ၤသဝီပူၤ ဝီၤလ့ၤသဝီဖိဘၣ်ဒိ ၄ဂၤ ပှၤဆါတဖၣ်ဆှၢထီၣ်ဆူကၠီၣ်တဲၣ်တၢ်ဆါဟံၣ်ဝံၤလံ ကဲထီၣ်သးဒ်အံၤအဃိ သဝီဖိ ၄၀၀ ဘၣ်ဃ့ၢ်အိၣ်ဆိးဆူကီၢ်ကၠီၣ်တဲၣ်သီခါဖၠၣ် အခဲဒ်သိးသုးကလၢၤတလီၤအဂီၤ Y12/Y8 ဂၠဲးကဘီယူၤတဖၣ်ဟဲခးလီၤတၢ်လီၤ”န့ၣ်စံးဝဲလီၤ။
တၢ်ဒုးကဲထီၣ်ဒီတနံၤကျၢၤဆၢကတီၢ် ဝီၤလ့ၤဒုးယၤတကပၤ ခးစၢၤလီၤဝဲဒြိမ့ၣ်ပိၢ်၊ကျိဖးဒိၣ်အိၣ်အသိး ကဘီယူၤခးလီၤတၢ်ဒီး ဟ့ၣ်လီၤဝဲတၢ်အီၣ်တၢ်အီဒီးကျိချံပှၢ်သၣ်ဆူပယီၤသုးကလၢၤပူၤဒီးကလံၤဒၢတဖၣ်အိၣ်န့ၣ်သ့ၣ်ညါဘၣ်လီၤ။
သုးကလၢၤအံၤKNU သုးက့ ၆ပူၤမ့ၢ်သုးကလၢၤဒုးယၤလူၣ်လၢအိၣ်လီၤတဲၤလၢခံကတၢၢ်တဖျၢၣ်ဝံၤဖဲအပူၤကွံၥ် ၂၀၂၆ လါယူၤလံအခါ KNLAသုးပၥ်ဖှိၣ်တဖၣ်ဝးတရံးပံးဃးသုးကလၢၤဒီၣ်တဲၤဝဲတၢ်အီၣ်တၢ်အီဒီးမၤတၢ်ထီၣ်ဒုးတလီၢ်လီၢ်န့ၣ်လီၤ။
ဖဲမုၢ်ဃ့ၥ်ဆၢကတီၢ် KNLAသုးပၥ်ဖှိၣ်တဖၣ်ခးလီၤဒြိမ့ၣ်ပိၢ်ဆူထံသဲလၢၤသုးကလၢၤပူၤဒီးပယီၤသုးကဘီယူၤဟဲခးလီၤတၢ်တပယူၥ်ဃီအဃိတၢ်ဒုးဆူၢ်န့ၣ်လီၤ။
KNLA သုးပၥ်ဖှိၣ်တဖၣ်ထီၣ်ဒုးဝဲထံသဲလၢၤပယီၤသုးကလၢၤအဃိဘၣ်တြီဆၢဝဲဒီးကဘီယူၤဒုးသုးတဖၣ်
လါမးရှး ၃၁သီ၊၂၀၂၆နံၣ်
KNLA သုးပၥ်ဖှိၣ်တဖၣ်စးထီၣ်ဖဲလါမးရှး ၃၁သီဂီၤခီ ထီၣ်ဒုးဝဲ ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ဝီၤလ့ၤဝ့ၢ်သီ ပယီၤသုးဝီၤလ့ၤဒုးယၤတၢ်မဲၥ်ညါသုးကလၢၤထံသဲလၢၤ အဃိဒ်သိးသုးကလၢၤတလီၤအဂီၤ ပယီၤသုးကဘီယူၤတဖၣ်ခးလီၤမ့ၣ်ပိၢ်ဒီးတြီဆၢဒုးဝဲန့ၣ်KNLAသုးပၥ်ဖှိၣ်တကပၤစံးဝဲလီၤ။
ဖဲမဟါဂီၤခီ KNLAသုးပၥ်ဖှိၣ်တဖၣ်ခးလီၤဝဲဒြိမ့ၣ်ပိၢ် ၊ထီၣ်ဒုးဝဲလၢဘူးဘူးတံၢ်တံၢ်ဒီးဂုၤကျဲးစၢးလၢကဒိးန့ၣ်ငုးကလၢၤအဂီၤဒီးပယီၤသုးဘၣ်ဒိသံအါအဃိ ကိးတၢ်မၤစၢၤဆူကဘီယူၤ Y12/Y8 တ့ၢ်လီၤမ့ၣ်ပိၢ်တကးဒံးဘၣ် ဂၠဲးကဘီယူၤဟဲခးစၢၤလီၤမ့ၣ်ပိၢ်န့ၣ်KNLA သုးဂံၢ်ခီၣ်ထံးစံးဝဲ PMRလီၤ။
“ကျိဖးဒိၣ်ကျိဖိဒြိတဖၣ်ဒ်သိးကမၤန့ၣ်သုးကလၢၤအဂီၤ KNLAတီခိၣ်ရိၤမဲဒီးခးဝဲလီၤ ပယီၤသုးဘၣ်ဒိသံအိၣ်အဃိဃ့ၢ်ထီၣ်ဆူသုးကလၢၤဖီခိၣ်အိၣ် ဖဲဂီၤခီနၣ်ရံၣ် ၁၀ ဝီၤလ့ၤဒုးယၤခးလီၤ ၁၂၀ မမ၄ဖျၢၣ်လီၤ ဆူဝီၤလ့ၤသဝီပူၤ ဝီၤလ့ၤသဝီဖိဘၣ်ဒိ ၄ဂၤ ပှၤဆါတဖၣ်ဆှၢထီၣ်ဆူကၠီၣ်တဲၣ်တၢ်ဆါဟံၣ်ဝံၤလံ ကဲထီၣ်သးဒ်အံၤအဃိ သဝီဖိ ၄၀၀ ဘၣ်ဃ့ၢ်အိၣ်ဆိးဆူကီၢ်ကၠီၣ်တဲၣ်သီခါဖၠၣ် အခဲဒ်သိးသုးကလၢၤတလီၤအဂီၤ Y12/Y8 ဂၠဲးကဘီယူၤတဖၣ်ဟဲခးလီၤတၢ်လီၤ”န့ၣ်စံးဝဲလီၤ။
တၢ်ဒုးကဲထီၣ်ဒီတနံၤကျၢၤဆၢကတီၢ် ဝီၤလ့ၤဒုးယၤတကပၤ ခးစၢၤလီၤဝဲဒြိမ့ၣ်ပိၢ်၊ကျိဖးဒိၣ်အိၣ်အသိး ကဘီယူၤခးလီၤတၢ်ဒီး ဟ့ၣ်လီၤဝဲတၢ်အီၣ်တၢ်အီဒီးကျိချံပှၢ်သၣ်ဆူပယီၤသုးကလၢၤပူၤဒီးကလံၤဒၢတဖၣ်အိၣ်န့ၣ်သ့ၣ်ညါဘၣ်လီၤ။
သုးကလၢၤအံၤKNU သုးက့ ၆ပူၤမ့ၢ်သုးကလၢၤဒုးယၤလူၣ်လၢအိၣ်လီၤတဲၤလၢခံကတၢၢ်တဖျၢၣ်ဝံၤဖဲအပူၤကွံၥ် ၂၀၂၆ လါယူၤလံအခါ KNLAသုးပၥ်ဖှိၣ်တဖၣ်ဝးတရံးပံးဃးသုးကလၢၤဒီၣ်တဲၤဝဲတၢ်အီၣ်တၢ်အီဒီးမၤတၢ်ထီၣ်ဒုးတလီၢ်လီၢ်န့ၣ်လီၤ။
ဖဲမုၢ်ဃ့ၥ်ဆၢကတီၢ် KNLAသုးပၥ်ဖှိၣ်တဖၣ်ခးလီၤဒြိမ့ၣ်ပိၢ်ဆူထံသဲလၢၤသုးကလၢၤပူၤဒီးပယီၤသုးကဘီယူၤဟဲခးလီၤတၢ်တပယူၥ်ဃီအဃိတၢ်ဒုးဆူၢ်န့ၣ်လီၤ။
