Category: ကရင်ဘာသာစကား

လါအီကူး၂၃သီ၊၂၀၂၃နံၣ် ကညီကီၢ်စဲၣ် ဖၣ်ပူၣ်ကီၢ်ဆၣ် ပယီၤသုးစုဖီလာ် ကီၢ်ဆၣ်ပၢၤကီၢ်ဝဲၤဒၢး ဘၣ်တၢ်နုာ်လီၤခးအီလၢKNLAသုးပာ်ဖှိၣ်တဖၣ်န့ၣ် သ့ၣ်ညါဘၣ်လၢဖၣ်ပူၣ်ဝ့ၢ်လီၢ်ကဝီၤဖိအိၣ်န့ၣ်လီၤ ဖဲလါအီကူး၂၃သီ ဂီၤခီ ၅နၣ်ရံၣ်ဃၣ်ဃၣ်ဆၢကတီၢ် KNLAသုးပာ်ဖှိၣ်တဖၣ်နုာ်လီၤခးဝဲပယီၤသုးစုဖီလာ်ကီၢ်ဆၣ်ပၢၤကီၢ်ဝဲၤဒၢးဒီးပယီၤသုး၊ပယီၤသုးစုဖီလာ်BGFသုးတဖၣ်ဒီးKNLAအဘၢၣ်စၢၤ ခ့ခီခံကပၤထံၣ်လိာ်သးတၢ်ဒုးကဲထီၣ်န့ၣ် လီၢ်ကဝီၤပိာ်ခွါတဂၤစံးဝဲန့ၣ်လီၤ “တဂီၤအံၤပနၣ်ဟူဘၣ်လၢKNLAသုးပာ်ဖှိၣ်တဖၣ်နုာ်လီၤခးဝဲပယီၤသုးစုဖီလာ် ကီၢ်ဆၣ်ပၢၤကီၢ်ဝဲၤဒၢးလီၤ စးထီၣ်လၢဂီၤခီ၅နၣ်ရံၣ်န့ၣ်လံ KNLAဟဲခးဝဲဝ့ၢ်ပူၤပယီၤသုးကလၢၤအိၣ်ခိးတၢ်လီၢ်တဖၣ်လီၤ တုၤခဲအံၤတဝံၤဒံးဘၣ်”န့ၣ်အဝဲစံးန့ၣ်လီၤ တကးဒံးဘၣ်ဖဲလါအီကူး၂၂သီ မုၢ်နၤအဆၢကတီၢ်နာ်က့…

လါအီကူး၂၂သီ၊၂၀၂၃နံၣ် ကညီကီၢ်စဲၣ် ကီးတရံးကီၢ်ဆၣ် ပယီၤသုးလၢအိၣ်ဖဲတီၣ်ကၠၣ်အ့သဝီပူၤတဖၣ်ဒီးKNLAသုးပၣ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်သၢသီန့ၣ်သ့ၣ်ညါဘၣ်ခီဖျိဂလိၣ် (ဂဠုန်)သုးကျိၤထုးထီၣ်တၢ်ကစီၣ်အသိးန့ၣ်လီၤ စးထီၣ်လါအီကူး ၁၈သီတုၤအသီ၂၀ အတီၢ်ပူၤ ပယီၤသုးဆီလီၤလီၢ်ဖဲ တီၣ်ကၠၣ်အ့ကၠိခမရ ၅၄၆ဒီးKNLAသုးပာ်ဖှိၣ်တဖၣ်အဘၢၣ်စၢၤခံခီခံကပၤထံၣ်လိာ်သးတၢ်ဒုးကဲထီၣ်ဒီးပယီၤသုးတကပၤသုးခိၣ်ခံဂၤဒီးသုးစကီၤဖိသံတဂၤဝံၤဘၣ်ဒိ၁၃ဂၤန့ၣ်ဂလိၣ် (ဂဠုန်)သုးကျိၤပှၤဘၣ်မူဘၣ်ဒါတဂၤစံးဝဲန့ၣ်လီၤ “ပသ့ၣ်ညါဘၣ်လၢ အဝဲသ့ၣ်ဟံးန့ၣ်ဃးတၢ်လီၢ်ဖဲကၠိပူၤန့ၣ်စးထီၣ်လၢ၂၀၂၁ခါလံသုးဂံၢ်ဘါအိၣ် အဂၤ၃၀ဃၣ်ဃၣ်လီၤ တၢ်ဒုးကဲထီၣ်တဘျီမ့ၢ်ဝံၤမၤအါထီၣ်သုးဂံၢ်ဘါ အဝဲသ့ၣ်မၤဟးဂီၤကမျၢၢ်ဟးထီၣ်က့ၤလီၤကျဲ မၤနၢၤအီၣ်ကမျၢၢ်အဃိတၢ်ဒုးကဲထီၣ်တလီၢ်လီၢ်လီၤ”န့ၣ်အဝဲစံးဝဲလီၤ တၢ်ဒုးကဲထီၣ်၃သီအတီၢ်ပူၤ ကြူၤတုၤဝ့ၢ်ပူၤ…

လါအီကူး ၂၁သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ကလံၤထံးတကပၤ စွ့ၣ်ကိကိၣ်ဝ့ၢ်သီကပၤတၢ်ဒုးကဲထီၣ်ဝံၤအလီၢ်ခံ ပယီၤသုးစုဖီလာ်BGFသုးတဖၣ်ဟ့ၣ်စ့ဒီးပာ်ဖှိၣ်BGFသုးဖိသီတဖၣ်အါထိၣ်န့ၣ်ဒံးလၢညါန့ၣ်သ့ၣ်ညါဘၣ်န့ၣ်လီၤ ဖဲလါအ့ဖြ့ၣ် ၅သီအနံၤ ပယီၤသုးဒီးKNLAသုးပာ်ဖှိၣ်တဖၣ်တၢ်ဒုးကဲထီၣ်လၢစွ့ၣ်ကိကိၣ်ဝ့ၢ်သီဝံၤအလီၢ်ခံ မ့ၢ်နုာ်လီၤဆူပယီၤသုးစုဖီလာ်BGFသုးပူၤန့ၣ်ဟ့ၣ်ဝဲစ့ယိၤခံကလးbathဒီး မၤအါထီၣ်တၢ်ပာ်ဖှိၣ်BGFသုးဖိအသီတဖၣ်န့ၣ်ပှၤဘူးဒီးသုးဂံၢ်ခီၣ်ထံးတဂၤစံးဝဲန့ၣ်လီၤ “လၢစွ့ၣ်ကိကိၣ်န့ၣ်သုးတၢ်မၤလိ၆လါတဘျီန့ၣ်ကိးဝဲထီဘိလီၤ အခဲတၢ်အိၣ်သးန့ၣ်ဖဲအန့ၣ်န့ၣ်ကကိးဝဲလီၤ ဟ့ၣ်စ့ဝံၤကိးဝဲန့ၣ်တမ့ၢ်ထဲဆၢကတီၢ်ခဲအံၤဘၣ်လၢညါခါန့ၣ်လံ ဖဲပှၤအိၣ်လၢစွ့ၣ်ကိကိၣ်တဖၣ်န့ၣ်ဟ့ၣ်ဝဲစ့ခံကလးလီၤ ဘၣ်မၤဝဲခံနံၣ်မ့တမ့ၢ်ဘၣ်ဒီးသၢနံၣ်ကိးဝဲဒီးလံာ်အုၣ်သးလီၤဟ့ၣ်စ့ဝံၤကိးဝဲအါလီၤ သဝီပူၤပှၤကညီတဖၣ်မၤန့ၣ်စ့အဃိမၤဝဲသၢၣ်”န့ၣ်အဝဲစံးန့ၣ်လီၤ တကးဒံးဘၣ်တၢ်ဒုးကဲထီၣ်ဝံၤအလီၢ်ခံ စွ့ၣ်ကိကိၣ်ဝ့ၢ်သီပူၤကၣ်စံၣ်နိၣ်ပူၤပှၤအိၣ်ခိးတၢ်ဘံာ်တၢ်ဘၢတဖၣ်ဟ့ၣ်ဒုးဖှီၣ်ဃးဝဲကျိန့ၣ်အဝဲတဲအါထီၣ်ဝဲလီၤ “လၢညါပှၤအိၣ်ခိးတြဲၤအိၣ်ဒၣ်အတၢ်တနီပှၤဖှီၣ်စုကဝဲၤအိၣ်တနီ…

လါအီကူး ၂၁ သီ၊၂၀၂၃ နံၣ် လၢဖၣ်အၣ်ကီၢ်ရ့ၣ် လူၢ်ပျဲၢ်ကီၢ်ဆၣ်အပူၤ ပယီၤသုးကလၢၤလၢအိၣ်ဆီလီၤသးဖဲ(စွ့ၣ်ကိ)သ၀ီပူၤတဖၣ်အံၤ ဖဲမဟါလါအီကူး ၂၀ သီ ဂီၤခီ ၇ နၣ်ရံၣ်အဆၢကတီၢ် တၢ်လဲၤခးပယီၤသုးကလၢၤအံၤလၢဒြိဒီး ဖဲန့ၣ်ၦၤဖိသၣ်ဘၣ်ဒိ၀ဲ (၁)ဂၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ ပယီၤသုးကလၢၤဆီလီၤလီၢ်လၢစွ့ၣ်ကိသဝီပူၤအိၣ်၅လါဘျဲၣ်အံၤဘၣ်တၢ်ဟဲခးလီၤမ့ၣ်ပိၢ်ဒီးဒြိခီဖျိကရူၢ်ကရၢလၢတသ့ၣ်ညါအမံၤတဒူၣ်ဒီးခီဖျိတၢ်ခးလီၤတဘျီအံၤအဃိ ဖိသၣ်သးနံၣ်၁၀ဘျဲၣ်တဂၤဘၣ်ဒိန့ၣ်လီၢ်ကဝီၤဖိစံးဝဲန့ၣ်လီၤ “ဖိသၣ်န့ၣ်အသးအိၣ်ဒံးဒၣ်အနံၣ်၁၀ဘျဲၣ်လီၤ…

လါအီကူး ၁၇သီ၊၂၀၂၃နံၣ် ပယီၤသုးရၤလီၤတၢ်ကစီၣ်ကမၤလၢ မီၤလမၠ့ၣ်-ယ့-ဒဝဲၢ် ကျဲမုၢ်ဖးဒိၣ်ဖီခိၣ် ဟီၣ်ကဝီၤကမျၢၢ်ဒီသဒၢသုးတဖၣ်သမံသမိးတၢ်ဒီးထၢစ့န့ၣ်လီၤ မီၤလမၠ့ၣ်-ယ့-ဒဝဲၢ် ကျဲမုၢ်ဖးဒိၣ်ဖီခိၣ်သိလ့ၣ်လၢဟးထီၣ်က့ၤလီၤတဖၣ်ဘၣ်သမံသမိးဝဲန့ၣ် ဘၣ်ဒၣ်လၢ ဟီၣ်ကဝီၤတၢ်ဒိၣ်စိအဂီၤဒီးဟီၣ်ကဝီၤတၢ်ဘံၣ်ဘၢအဂီၤဝံၤ ထၢစ့တအိၣ်ဘၣ်ဒီးတၢ်ကစီၣ်တဖၣ်အံၤမ့ၢ်ဒၣ်ပယီၤသုးတကပၤ ရၤလီၤတၢ်ကစီၣ်လၢတဘၣ်န့ၣ်ပှၤဘၣ်မူဘၣ်ဒါတဂၤစံးဝဲလီၤ “ပဝဲပသမံသမိးသိလ့ၣ်လၢ ကျဲမုၢ်ဖးဒိၣ်ဖီခိၣ်အံၤမ့ၢ်ဒၣ် ဟီၣ်ကဝီၤတၢ်ဒိၣ်စိဒီးတၢ်ဘံၣ်တၢ်ဘၢအဂီၤလီၤ ပတထၢစ့လၢပှၤနီတဂၤအိၣ်ဘၣ် ဟီၣ်ကဝီၤသုးဖိတဖၣ်နာ်က့ပတမၢထၢစ့ဘၣ် တၢ်တဲတဖၣ်အံၤမ့ၢ်ဒၣ်ပယီၤသုးရၤလီၤတၢ်ကစီၣ်လီၤန့ၣ်”အဝဲစံးဝဲလီၤ ပှၤနီသိလ့ၣ်ဖဲ မီၤလမၠ့ၣ်-ယ့-ဒဝဲၢ်…

လါအီကူး ၁၂သီ၊၂၀၂၃နံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဂ့ၢ်ဝံၤအလီၢ်ခံ တနီသရံၣ်ကီၢ်စဲၣ် ဟီၣ်ကဝီၤကမျၢၢ်ဒီသဒၢသုးတဖၣ် တၢ်ထံၣ်ကွဲလွဲအိၣ်ထီၣ်န့ၣ် သ့ၣ်ညါဘၣ်ခီဖျိဟီၣ်ကဝီၤကမျၢၢ်ဒီသဒၢသုးတဖၣ်စံးဝဲအသိးန့ၣ်လီၤ ဖဲအပူၤကွံာ်လါအီကူးအသီ၁၀ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဖီခိၣ် ဘျံးသုးရ့ၣ်တူာ်လိာ်ဝဲဒီးကဖှီၣ်ထီၣ်စုဒီးကဒုးဆၢက့ၤပယီၤသုးန့ၣ် ဘျံးကီၢ်ရ့ၣ်သုးရ့ၢ်၁ ပှၤဘၣ်မူဘၣ်ဒါစံးဝဲဒ်အံၤလီၤ “အဝဲသ့ၣ်တကပၤတဲဝဲဒ်အံၤအဃိပသးခူဒီးပတူၣ်လိာ်အီလီၤဘျံးကီၢ်ရ့ၣ် သုးရ့ၢ်၁ကပာ်ဖှိၣ်ထီၣ်သးဒီးKNUပကဒုးတၢ်တပယူာ်ဃီလီၤ”န့ၣ်လီၤ ဘၣ်ဃးဒီး KNUဘိးဘၣ်ရၤလီၤNCAဟးဂီၤလံအဖီခိၣ် တၢ်ပၢၢ်ဆၢသုးတဖၣ်ဒီးပယီၤသုးအဘၢၣ်စၢၤတၢ်ဒုးကဆူၣ်ထီၣ်အဂီၤတၢ်အိၣ်သးအိၣ်ဒီးကမျၢၢ်တဖၣ်ကဘၣ်အိၣ်ဒီးတၢ်ပလီာ်သး ဒီးခီဖျိလၢတၢ်ဒုးအဃိ…

လါအီကူး၁၁သီ၊၂၀၂၃နံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဂ့ၢ်ဝံၤအလီၢ်ခံ ကညီကီၢ်စဲၣ်ဒီးတလၢၤကီၢ်စဲၣ်ပူၤဟီၣ်ကဝီၤကမျၢၢ်ဒီသဒၢသုးတဖၣ်တူာ်လိာ်ဝဲအဂ့ၢ်န့ၣ်တဲဖျါထီၣ်ဝဲလီၤ ဖဲလါအီကူးအသီ၁၀ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဂ့ၢ်ဝံၤအလီၢ်ခံ Cloud wings drone ကရူၢ်ပာ်ဖျါထီၣ်ဝဲလၢ တူၢ်လိာ်မုၣ်ဝဲဒီး ကဖှီၣ်ထီၣ်စုဒီး KNU/KNLAဒီးကဒုးဟးထီၣ်က့ၤပယီၤသုးန့ၣ် Cloud wings drone ပှၤဘၣ်မူဘၣ်ဒါ Ko Nyein…