တကူၣ်တၢၣ်ပၢၤကီၢ်ဝဲၤဒၢးခံခီခံကပၤတၢ်ဒုးကဲထီၣ်ဒီးပယီၤသုးသံ၄ဂၤ
လါအီကူး၁၈သီ၊၂၀၂၃နံၣ် ကညီကီၢ်စဲၣ် ချၢၣ်-တကူၣ်တၢၣ်သဝီကရူၢ် တကူၣ်တၢၣ်ပၢၤကီၢ်ဝဲၤဒၢးလီၢ် တၢ်ဒုးကဲထီၣ်ခံခီခံကပၤဒီးပယီၤသုးသံ၄ဂၤန့ၣ် ဒူပျာ်ယာ်ကီၢ်ရ့ၣ်ထုးထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤ ဖဲလါအီကူး၁၅သီဂီၤ၁၁နၣ်ရံၣ်ဃၣ်ဃၣ်ဆၢကတီၢ်တကူၣ်တၢၣ်သဝီပၢၤကီၢ်ဝဲၤဒၢးKNLAသုးပာ်ဖှိၣ်တဖၣ်နုာ်လီၤခးဝဲဝဲၤဒၢးပူၤပယီၤသုးခလရ ၂၈၄အဃိတၢ်ဒုးကဲထီၣ်ခံခီခံကပၤအဃိပယီၤသုးသံ၄ဂၤန့ၣ်KNLAဂံၢ်ခီၣ်ထံးတၢ်ကစီၣ်တဂၤစံးဝဲန့ၣ်လီၤ “ဖဲအိၣ်တနံၤန့ၣ်ခးဝဲသံ၄ဂၤန့ၣ်မ့ၢ်လီၤ ဖဲအံၤတခီလဲၤခးလၢညါသံ၄ဂၤလီၤ အခဲမ့ၢ်ဝဲဟီၣ်ကဝီၤတၢ်ဒုးလီၤ လဲၤခးဝဲဒီး၄၀၊၆၀တဖၣ်လီၤ”န့ၣ်အဝဲစံးဝဲလီၤ တၢ်ဒုးကဲထီၣ်လၢပယီၤသုးဒီးKNLAသုးပာ်ဖှိၣ်တဖၣ်ဝံၤအလီၢ်ခံ တၢ်ဒုးကဲထီၣ်က့ၤတအိၣ်သနာ်က့ တၢ်ခးလိာ်သးတဆံးတက့ၤဖိအိၣ်န့ၣ်အဝဲစံးဝဲလီၤ ဖဲလါအီကူး၁၅သီမုၣ်ထူၣ်ဆၢကတီၢ်နာ်က့ နၣ်ဟူဘၣ်ပှၤခးလီၤ ၄၀မမ ၆ဘျီန့ၣ်တကူၣ်တၢၣ်သဝီကမျၢၢ်ပိာ်ခွါတဂၤစံးဝဲလီၤ “ဖဲမုၢ်ဆါခီခါန့ၣ်ပနၣ်ဟူ…